कराड पुन्हा हादरले,दिवसातला दुसरा धक्का १ पॉझिटिव्ह
अनिल कदम
Apr 29, 2020
1906
कराड तालुक्यातील कापिल मध्ये दूसरा रुग्ण पॉजिटिव्ह.
कोरोना सत्र थांबेना, आज आणखी 01 रुग्ण कोरोना पॉजिटिव्ह असल्याचे स्पष्ट
कराड तालुक्यातील कापील कोरोनाच्या गडद छायेत,एकाच घरातील दूसरा 11 वर्षीय मुलगा पॉजिटिव्ह आढळल्याने काळजी वाढली.
वाढती रुग्ण संख्या थांबवण्याचे प्रशासनापुढे आव्हान,सुज्ञ नागरीक म्हणून घरीच थांबा तरच कोरोना येऊ शकेल आटोक्यात.
सातारा येथील व कराड येथील दोन रुग्ण पॉझिटिव्ह तर 63 जणांना केले दाखल
सातारा दि. 29( जि. मा. का ) : क्रांतिसिंह नाना पाटील सर्वसाधारण रुग्णालय, सातारा येथील एक 36 वर्षीय महिला आरोग्य कर्मचारी व वेणूताई चव्हाण उपजिल्हा रुग्णालय, कराड येथील बाधित रुग्णाच्या निकट सहवासित 11 वर्षाचा मुलगा असे एकूण 2 जणं पॉझिटिव्ह (कोविड-19) बाधित असल्याचे बी.जे. वैद्यकीय महाविद्यालय, पुणे यांनी कळविले आहे, अशी माहिती जिल्हा शल्यचिकित्सक डॉ. आमोद गडीकर यांनी दिली आहे.
आता सातारा जिल्ह्यात 33 रुग्ण कोविड बाधित असून आता पर्यंत 8 (कोविड 19) मुक्त होऊन रुग्णालयातून सोडले आहेत तर 2 जणांचा मृत्यू झाला आहे.
तसेच आज दि. 29 एप्रिल रोजी क्रांतिसिंह नाना पाटील सर्वसाधारण रुग्णालय, सातारा येथे 34, वेणूताई चव्हाण उपजिल्हा रुग्णालय, कराड येथे 18, ग्रामीण रुग्णालय कोरेगाव येथे 11 असे एकूण 63 जणांना विलगीकरण कक्षात दाखल करण्यात आले आहे. या सर्वांच्या या सर्वांच्या घशातील स्त्रावांचे नमुने बी. जे. वैद्यकीय महाविद्यालय, पुणे येथे तपासणीसाठी पाठविण्यात आले आहेत, अशी माहितीही डॉ. गडीकर यांनी दिली आहे.
0000
